ಮನೆ ಮತ್ತು ಹಾದಿ

“ಬಿಟ್ಟುಹೋಗಬೇಡ 

ಇಲ್ಲೆ ಸುಳಿಯುತ್ತಿದೆ ನಿನ್ನ ಭೂತ"

ಮನೆ ಹೇಳುತ್ತಿದೆ ನನಗೆ.

“ಬಾ ನನ್ನ ಹಿಂಬಾಲಿಸು

ಮುಂದೆ ಇದೆ ಭವಿಷ್ಯ”

ಹಾದಿ ಹೇಳುತ್ತಿದೆ ನನಗೆ.

ಎರಡಕ್ಕೂ ನಾನೆನ್ನುವೆ

“ಭೂತವಿಲ್ಲ ನನಗೆ ಭವಿಷ್ಯವೂ ಇಲ್ಲ

ನಿಂತರಿಲ್ಲಿ ನಾನು ನಿಲುವಿನಲ್ಲೆ ಪ್ರಯಾಣವಿದೆ.

ಹೊರಟು ಬಿಟ್ಟೆನೆನ್ನಿ, ಆ ಪ್ರಯಾಣದಲ್ಲೆ ನಿಲುಗಡೆ."

ಬದಲಿಸುತ್ತವೆ ಎಲ್ಲ
ಕೇವಲ ಸಾವು ಮತ್ತು ಪ್ರೀತಿ ಮಾತ್ರ 

ಮೂಲ -  ಖಲೀಲ್ ಗಿಬ್ರಾನ್
ಅನುವಾದ - ಶ್ರೀಧರ ಹೆಗ್ಗೋಡು